( صوت الدمية من الخارج )
الشيخ : بالحلال
مهــاود : بالحلال
دمية العالمة : سى السيد ربنا يكفينا شر الحرام
مهــاود : يا أرض احفظي ما عليكى
الدمية : ( تخــجل )
مهــاود : ( يتشجع) سبحان اللي خلق وصور
والوش قمر وضوء حورية من الجنة
ماشية في ملاية لف آة يظهر أن ربنا ها يعوض صبري خير
الدمية : لأ أستنى أنت عارف مهري كام
مهــاود : الغالي يرخصلك
الدمية : ( تفتح جزء من الملاية) أرمى بياضك ومهري من قيمتك
الدمية : شوف رسمي
مهــاود : شايف شايف
الدمية : شوف جسمي
مهــاود : شايف شايف وأنا أشتريكى بعمري
الدمية :
تسلم لى . عندك أية تقدملى
مهــاود : كان معايا ساعة ما علينا بقى لألألأ وفية
رغيف بتاجر بية
الدمية : هو فية حد بيتاجر برغيفة
مهــاود : الفقير من خوفة
الدمية : عموما ما يهمنيش أنا بشترى راجل
مهــاود : لأ من الناحية دى أطمنى قوى
الدمية :
تديني أغلى ما عندك
مهــاود : أديكى
الدمية :
تدينى أية
مهــاود : ( ينظر إلى نفسة) أديكى شالى
الدمية :
الله ريحتك فية بس ما يكفنيش
ما يدفنيش
مهــاود : أنا أدفيكى بعنية ما عدشى بقى لامؤاخذة
غير هدمتى
الدمية :
الجلابية بس أنت تبرد
مهــاود : يا ستى مش مهم تبقى أنتى تدفينى ( يقلع
الجلابية ويعطيها لها)
الدمية :
وأية كمان
مهــاود : (ينظر إلى نفسة) لأ ما هو ماعدشى
بقى غير
الدمية :
لأ خلاص
مهــاود : يا ستى وخلاص لية هي جت على دى
الدمية : لأ لأ مايصحش هاتمشى كدة عريان
مهــاود : عريان متغطى أنا حر أنا عايش بقى في بلدي
الدمية : لأ يا خويا فية أقمار صناعية بتصور
مهــاود : أقمار صناعية أنا مش شايف هنا قمر غيرك
أنتى تعالى جنبي
الدمية :
ياما نفسي بــس
مهــاود : بــس أية تانى
الدمية :
سامعة حد جاى
مهــاود : يا ستى ما تخافيش مافيش حد هنا غير أنا
والمغنواتى ودة كفيف
مهــاود : ثم أنة نايم
الدمية : لأ صاحى
مهــاود : صدقيني نايم
الدمية : بتضحك عليا
مهــاود : مش مصدقانى يا أستاذ أنت نايم ولا صاحى
المغنى : ( يدخل) بتندة يا مهاود
الدمية :
يـا لهوى
مهــاود : ما قلت ما تخافيش دا كفيف الله يخرب بيتك
يا أستاذ
المغنى : شفت خير اللهم أجعله خير شفت أنك قاعد في كوشة وفرح
مهــاود : أنت بتشوف من أصلة طيب روح كمل الحلم
المغنى : أيوة يا أخي سبحان الله شفت حتى بالأمارة كنت من غير ....
الدمية : ( تضحك)
المغنى : الله أكبر هو فية حد معاك
مهــاود : لأ مافيش وأنا بس اللي
.....
المغنى : يا لئيم أنا صحيح ماباشوفهمشى بس باشم ريحتهم
أية خلاص
مهــاود : يا عم خلاص أية تعالي الجهة دى
المغنى : يا سيدي اهو ناخد بركة ريحة البرفان اللي
حطاها يا مهاود فاقعة قوى
يظهر علية مستورد
مهــاود : مستورد أية يا عم ربنا يهديك روح نام يظهر
أنك لسة بتحلم
المغنى : أنت يا واد فاهم أنى مش شايف
الدمية : يــا لهوى
المغنى : ( يحضن مهاود) أيوة مسكتك
مهــاود : يا عم سيب دا أنا مهاود
المغنى : مهاود مش مهاود أهو على الأقل فيك ريحتها
مهــاود : يا أستاذ ريحة أية عيب دا أنا راجل زيى
زيك
المغنى : يا سيدي ما يضرش أصل الصنف دا شاحح من البلد قوى
مهــاود : ( يكتشف أنها هربت) أنت قريت .
أهية شحت أستنى بس يا ستى يا بث
يا أية الله يخرب بيتك يا أستاذ
المغنى : هية مشت بجد ( يشم) آة صحيح دى
الريحة خفت
مهــاود : أرتحت يا خويا
المغنى : آة ثم أن أية الريحة الوحشة دى
مهــاود : دلوقتى شميت ريحتى ما كنت رايح .....
المغنى : أى والله دا أنا كنت هــ أغلط غلطة بس كنت
هــ أنصدم العتب على النظر
مهــاود : نظر ولا مش نظر بقى
المغنى : أظن يا مهاود كانت بالألوان
مهــاود : يا أخي أنت بتفكرنى بخيبتى أية اللي جاب
سيرة التليفزيون دلوقتى
المغنى : آة يا نمس يعنى الديك أدن وأنا نايم
مهــاود : آة ? بالأمارة قال كوكو كوكو
المغنى : عموما لو ما طاليتش منك حاجة هترجع تانى
مهــاود : إذا كان اللي تقصدة أطمن ما طالتشى ولا
ولا أنا طلت هي خدت بس
المغنى : أوعى تكون ضحكت عليك
مهــاود : تضحك عليا أزاى أنت مفكرنى كروديا ما أنا
قدامك أهوه ? لسة بصحتي
المغنى : ما علينا أهو النهار قرب يطلع ما تجيب
لقمة من الرغيف اللي معاك
نغير ريقنا
مهــاود : ( يضحك) نغير أية هو أنا ما
قولتلكش
المغنى : بس بس ما تقولش ولا هـتقول
مهــاود : أصل اللي حصل لى الليلة دى ما يتقلش
المغنى : آة طب ناولني العود
مهــاود : ودة وقت تغنى فية
المغنى : ما عدشى باقي غيرة هوة والقربة
مهــاود : و يا عطشان أشرب
المغنى : قصدك تقول يا غفلان أشرب (يغنى)
مــلى الكاســات وسقانى وسقانى
ســرق الزمـــان
وأدانـى وأدانـى
المغنى : أداك أية يا مهاود
مهــاود : أدانى بالألوان
المغنى : هـانقول كمان من تانى من تانى
مهــاود : آة ولا الرغيف
مهــاود : آة يا رغيفي
المغنى : آة يا رغيفي
مهــاود : آة
المغنى : يا سندى في وحدتي وخوفي
مهــاود : آة
المغنى : من أرضنـا من زرعنــا
نخـبز وياكـلوا في أكلنـا
ولبطـننـــا من قـلبنــــا
ندعــى عليــهم كلنــــا
مهــاود : الله يخرب بيوتهم ألهى ما يوعوا يطفحوا
المغنى : ندعى كمان من تانى تانى
سرق الرغيف وأدانى وأدانى
مهــاود : بالحلال برفان ملفوف في ورق سلوفان
المغنى : أيوة فكرتنى :
الوسط شيكا بيكا آة ومشخلع
جايلنا من الفبريكا نارة بتلسع
بتقـولى أخلــع مــا عليكـــا
قمــــــــت أنـــــا أقـلــــــــع
مهــاود : ( يتجة ناحية المغنى ويشك في أنة يرى) عليا
النعمة أنت مشكوك في
أمرك أنت شايفنى
المغنى : يا سيدي ما تاخدشى في بالك أحنا بس بنغنى
? بنقول أية :
ملى الكاسات وسقانى وسقانى
مهــاود : ( يغنى ويمسك دمية الأراجوز ويكلمة) عاجبك
كدة أما أنت صحيح زي
قلتك مشيوا وسابونى وسابوك يعنى أنت أية فايدتك آة ماهى مش
فارقة
معاك أنت لسة عايش في زمن العمدة وشيخ الغفر وذكريات نفوسة وكأن
الزمن مالوش قيمة عندك ولا بتاكل ولا بتشرب حتى لبسك ماينفعش لا
يغطينى ولا يدفينى يعنى ما منكشى فايدة ماعدتش تلزمني .
آلا آونا . آلا دوى . آلا ترية . قالك أية قربى يا ست قرب يا
بية معانا
أراجوز بنص لسان لا لة دعوة بالزمان ولا بالمكان عنده حواديت
كتير
تنفع للصغير والكبير . ساعات بيكون حكيم وساعات بيكون غفير
وساعات كتير بيكون ملك . لعبة بتتلبس في الأيد كدة . مين يشترى
?
زوحل ، دوحر
، بشأنها : أنا
هــ أشترى وأنا هــ أشترى وأنا هــ أشترى
مهــاود : نفتح المزاد
أراجوز : على اللـــــــه
زوحـل : هــ أشترية بالساعة دية . ساعة تعرف فيها
الوقت والزمن
دوحر :
وأنا عليا الرغيف يحميك من
الجوع ويقوتك
بشأنها : وأنا عليا بالشال دة قطن طبيعي من البرد
يحميك
مهــاود : أنتوا جيبتوا الحاجات دى منين ?
الكـــــل : دى ملكنا
مهــاود : أنا شوفتكوا قبل كدة
الكـــــل : لكن أحنا ما شوفنكش ما نعرفكش
مهــاود : بالأمارة قلتوا لى حالاتية
الكـــــل : لأ مش أحنا يا سيدي الحالاتية
زوحـل : خلصنا بقى ياللا وأختار هاتاخد أية وتديهولنا
مهــاود : هو عموما ما يساويش
الكـــــل : بـــس عاجبنا
مهــاود : للدرجة دى
دوحر : طب هانديلك حاجتين وناخدة
مهــاود : حتى لو أديتونى اللي معاكوا كلة
بشأنها : ما تبقاش طماع هانديلك الثلاث حاجات
مهــاود : ياه للدرجة دى يظهر أن لة قيمة عندكوا
زوحـل : وأنت يهمك أية وهانديلك فوقهم لعبة كمان بزمبلك
مهــاود : لكن دا الملك
دوحر : ومن عندي لعبة بالكمبيوتر
مهــاود : ما قلنا الملك
بشأنها : وألعاب كتير بالذرة
مهــاود : لا يظهر أنا الملك
الكـــــل : يعنى أية مش هاتبيع ?
مهــاود : على رأى صاحبي يفتح الله
بشأنها : طب يا أخ مهاود ( تغازلة) نتفاهم
مهــاود : أنتى بالذات ابعدي عنى
زوحـل : نتفاوض
مهــاود : أنتوا أية حكايتكوا بالظبت وأشمعنى بالذات
لعبتي
دوحر : ماقلنا دى حاجة تخصنا
مهــاود : بس دا مايعرفش قيمتة الأ ولاد البلد دى
الكـــــل : ما أحنا ولاد البلد دى
مهــاود : لما أنتوا تكونوا ولاد البلد . أمال أنا
أبن أية ?
بشأنها : إذا ماكنتش مصدقنا ألعب معانا ألعابها
مهــاود : أيوة ..... تعرفوا تلعبوا أية
زوحـل : يبقى أتفقنا . ها نلعب كل اللي تقوله
مهــاود : ماشى . نلعب أية ..... نلعب عسكر وحراميه
دوحر : وأدى الورق
زوحـل : ( يفتح ورقتة) أنا العسكري
دوحر ، بشأنها : طلع الحرامى ( يلمزان على مهاود)
زوحـل : ( إلي مهاود) أنت الحرامى
بشأنها : وأنا الحاكم
دوحر : ويجلد الجلاد
..... تعلالى بقى
بشأنها : أظن اللعبة كدة مظبوطة وعموما علشان أنت طيب هـانديلك فرصة كمان
مهــاود : يبقى ( بتهكم) نلعب الست غمايه
زوحـل : نعمل قرعة ( ويجرى قرعه في الأيد فاضيه ولا مليانة )
مهــاود : ( بعد أن يقع في القرعه) والنبي لو
رحتوا فين البلد دى بلدي وعارفها
حتة حتة ... لازم هامسككم ( يعطى ظهرة للجمهور) خلاص
الكـــل : لــسه ( تمارس طقوس اللعبة المعروفة ألى أن يقول الكل) خلاص
(
يقف دوحر وزوحل وبشأنها في أماكن متفرقة )
(
يجرى مهاود في أتجاه دوحر ) مسكــتك
دوحر : نـــعم ؟ ?. بتكلمنى أنت تعرف أنا مين ?
مهــاود : أيوة .... بنلعب مع بعض .
دوحر : أنا ألعب معاك
أنت بص لنفسك وبصلى لا ثقافتك من ثقافتي ولا قيمتك
من قيمتى أنا ثقافتى أنجليزى وفرنساوى . أماأنت تطلع أية
......?
مهــاود : ( يتجة ألى زوحل) أيوة تبقى أنت
زوحل : يلا يا ولد ...... بعيد يا ولد
مهــاود : مش أحنا بنلعب مع بعض
زوحـل : مع أية . أنا بس اللي بلعب . وفــ أيدي أبيعك وأشتريك . لكن أنت
معاك أية
مهــاود : ( يتجة ناحية بشأنها) يبقى أنتي ?
بشأنها : (متعالية) أنا أية يا أنت ?
مهــاود : بنلعب سوا
بشأنها : آوماى جد . أنا ينزل مستوايا للأشكال دى . آوو نونو أبعد بعيد
لتعدينى .
مهــاود : الله . الله ... الله دا أنا طلعت مافيش
خالص . أحسن حاجة أروح أقف في
المكان إلى لعبنا فيه واللي ييجى عندة أمسكة ( يتجة إلى
المكان يجد أن
الجميع قد احتلوا أماكنهم )
زوحـل : أظن كدة لعبنا صح
مهــاود : لأ . أنتوا كدة ضحكتوا عليا
دوحر : يا حبيبي هي دى أصول اللعبة ..... مين بيضحك على مين
مهــاود : طب نلعب نط الجاموس
الكـــــل : موافقين
( ينحني الجميع مهاود أخر المنحنين . ليبدأ دوحر القفز من عليهم )
دوحر : أهـــــلا زوحــل
زوحـل : أهـــــلا دوحـــر ... كيف الصحة . كيف
الحال . كلة تمام .
( ثم يتجة ألي بشأنها )
دوحر : مــــرحب بيكي
بشأنها : مرحب بيك أخ صديق .... ألف سلامة وألف
سلام ( ثم يتجة ألي مهاود
فيجدة واقفا فيضغط علية لينحني ثم
يضغط من أعلاه وأيضا الآخرين ..
ثم يبدأ مهاود ليضغط من أعلاهم بدورة )
دوحر : ( يقف ويخرج كارت من جيبه ) مخـــابرات
مهــاود : أسف يا بية ( يتجة ألي بشأنها )
بشأنها : مــش عيب . أنت معندكش نظر .
مهــاود : معاكى حق أنى غلطان يا ست . ( يتجة إلى
زوحل )
زوحـل : ( يخرج كارت من جيبه) أمــن عــام
مهــاود : لمؤاخذة ( ثم يقفزون من أعلاه )
مهــاود : لا . ما تنفعشى اللعبة دى بقى نلعب لعبة
تانية
دوحر : أحنا اللي نختارها . نلعب صلح
مهــاود : ( متردد ) بــس نعمل قرعة
بشأنها : طبعا نعمل قرعة ( بعد القرعة) أنت اللي عليك الدور
زوحــل : ( يضرب مهاود)
مهــاود : شــركات استثمار
زوحـل : تــوظيف أمــوال
مهــاود : لأ . ما هو أنا لازم أعرف مين اللي
بيضربنى
بشأنها : طبعا لازم تعرف
مهــاود : ( بعد أن يضربة أحدهم) الزلمكــــة
بشأنها : الخنزيـــــــــــرة
مهــاود : طب أنا هـــ أذاكر وأحضر لكم ماجستير
ودكتوراة وأعرف مين اللي
بيضربنى
زوحـل : مهما تعمل هتكون أية . مش موظف . لف . (
يضربونه)
مهــاود : رجـــل أعمال
دوحر : بيزنس مــــان
مهــاود : لأ . أنتوا متفقين عليـــا
بشأنها : أحنا هنا علشان مين . مش برضة عشانك
مهــاود : مش مهم . برضة هـــأكسب
زوحـل : يبقى نلعب أخر لعبة
مهــاود : لأ . لعبة من عندي ولعبة من عندكم
دوحر : طب قول أنت
مهــاود : هنلعب التعلب فات . أوعوا تكونوا
ماتعرفوهاش
الكــــل : لأ . عارفينها وأدى المنديل
مهــاود : التعلب
الكــــل : فات فات وفى جيبه عبي الدولارات
مهــاود : ( يعترض) لأ . التعلب فات فات وفي
ديلة سبع لفات
زوحـل : شفت أنك مش عارف أصول اللعبة . كانت زمان في ديلة سبع فات
لكـــــن دلوقتـــــي .....
الكـــــل : التعلب فات فات وفي جيبه عبي الدولارات يا
ساقينا المر كاسات وبقي
زادنا ? زودنا آهات . بعت
جواب لصاحبتي يمكن تعرف سكتي هي دى
نونونو هي دى نونونو هي الدمية الحلوة دهيه ( يتجهون ألي الأراجوز )
مهــاود : لأ . كلة الآ دى .... وبعدين اللعبة دى
أنتوا مغيرينها ماكناش بنلعبها كدة
دوحر : طيب أختار اللعبة التانية
مهــاود : هــ ألعب القطة العامية . طبعا عارفينها
ولا مش عارفينها
زوحـل : دى أخر لعبة ها نلعبها
مهــاود : أخــــر لعبة
الكــــل : نتعلمها .... مين القطة ?
مهــاود : لازم قرعة ( بعد القرعة)
الكــــل : يبقي أنت القطة العاميه
زوحـل : وأدى المنديل بس أوعي تشوف من تحته
مهــاود : مصيبتي أنى بلعب بضمير
بشأنها : قصدك تقول ماتعرفش أصول اللعبة . شايف
مهــاود : لأ . مش شايف يلا نلعب
دوحر : لسة استني أصول
اللعبة أنك تلبس زي ما نلبس
مهــاود : لازم يعنى
بشأنها : طبعا لازم ( يلبسونة شوال من الخيش )
مهــاود : نبدأ نلعب
بشأنها : لسة استني فيه كرافتة
مهــاود : كمان . دا أنا من زمان نفسي ألبسها
الكــــل : وأحنا كمان هانلبسها لك
مهــاود : شكلي بقى حلو كدة ( يخرج المغنى ينادى
على مهاود)
مهــاود : شفت يا أستاذ الكرافتة
المغنى : يعنى بقى ربنا فتح عليك . وريني كدة يا سيدي (المغنى يتحسسة)
اللة ودا أية اللي على عنيك ؟
مهــاود : دى أصول اللعبة
المغنى : آه ... هم خلاص ؟
مهــاود : لازم أغلبهم
المغنى : أسمع منى بلاش يا مهاود
مهــاود : دى أخر لعبة
المغنى : سيبنى أفك عينيك لو مرة . أناجربت العتمة دى قبلك سيبنى أفكك
الكـــــل : لو فكيتة يبقى خلاص مــا كسبنا اللعبه
مهــاود : لازم أغلبهم
المغنى : سيبنى أفكك
مهــاود : بقولك أوعى لازم أغلبهم . نبدأ نلعب
بشأنها : لسه أستنى أخر حاجة في أصول اللعبة بربط أيدك يمكن تنسى
المغنى : أيدك عينك لو في الضلمة . ما بلاش أيدك
الكـــــــل: لازم أيدة . وأنت قبلت شروط اللعبة
المغنى : يعنى خلاص أنت دلوقتى مربوط . عموما أنا عملت اللي عليا ونصحتك
مهـــاود : نبــــــدأ نلعب
الكـــل ، المغنى : أخـــر لعبة ( المغنى يخلع النضارة ويعود شخص عادى)
هيية
يبقى كسبنـــــا
مهـــاود : ( يتخبط على الخشبة يحاول أن يمسك أحدهم
ويصرخ ) لسة بنلعب
و أنـــا هــــ أمسكـــــــوا
الكـــــــل : ( يجمعوا أشيائهم ويغنون بعد صيحه
الأراجوز ) عـــلى الـلــــــه .
كنا بنلعب لعب بجد زي ما غيرنا بيلعبوا بينا . جيبنا صاحبنا ولعبناة .
جوه الحالة أديكوا شوفتونا . وأهوة أراجوزنا ..... بيأرجزنا بين
الأصل وبين الصورة .
مهـــاود : طب فكوني بقى طالما كنا بنلعب
الكـــــــل : نفكك أزاى مش أحنا قولنا لعب بجد خلص
اللعب وفضل الجد
مهـــاود : الله يعنى أنتوا رابطنى دلوقتى بجد
الكــــــل : طبعـــــــا
مهــــاود: يا جماعه بلاش هزار أى حد يفكنى ( يخرج
الجميع ما عدا مهاود )
( مهاود يتجه إلى الصالة ) يا أخوانا يا اللي قاعدين حد يطلع يفكني
أنا باكلمكم بجد . الجماعة دول قالولي هنلعب سوا وضحكوا عليا مقالوليش
أنهم هيربطونى . ضحكوا عليا . حد يطلع يفكني ( يظل يتوسل لهم
إلى أن يفك رباطة أحد المتفرجين ) .
[ تــمـــــــــــــت ]