بـــــــح : حتى لو كلن لسانك
مهـــاود :
دة تراث..... عرفين تراثنا يعنى أية؟ ..... يعنى عود ... يعنى قربة ...
يعنى مدنة ... يعنى تراب و أرض ... ناس و دم ... يعنى أية و أية و أية هتقول كثير
. تراث يعنى سبحة تسبح بأسم الوطن .
بــــــح
: و أوعى تضيع سبحتك . سبح و بإخلاص كمان
بس كبر سبحتك بحبحها
وز :
يعنى خليك فرش . مودرن
بهـــــل :
بحبحها لليملك للكبير
هـــــوبة :
لصاحب المولد برضة حق
مهـــاود :
أعوذ بالله لو تسبح سبحتي اغير الوطن
أراجوز :
فشـــر
بــــــح
: بحبحها برضة بأسم الوطن.
خليها سح ليملك أحلى ما تلاقيها بح و تنفرط
هـــوبة :
و لا يبقى منها غير . حبل فاضى حوالين رقابتك مشنقة
بـــــح
: السبحة فيها حبات كتير
خليها . بس محتاجة غربلة
هـــوبة :
زي بشبوشك ما شاخ لية يبقى عبئ سد ما بين حلمك و بينك
مهــاود :
بس دة كل أهلي كل ناسى لو .... أبقى وحيد
الكـــــل :
و إحنا أية غبر أهلك و ناسك ( وز ... وز... وز ... وز )
وز : أصحابك
بهـــــل :
اخوانك
بــــح
: أهلك
هــــوبة : أحبابك
أراجوز :
ورررر خبي رأسك يا أراجوز الطرطور بيسرقوة
هــوبة
: إن كان الطرطور دة رأسك
اقلعة
الكـــل
: اقطعة
أراجوز : ( يصرخ ) الضرب ع الرأس
مهــاود : الزمان دة مش زمانك خبي رأسك
أراجوز : اللعب من تحت الطرطور
مهــاود : علشان كدة خلى بالك
أراجوز : خلى بالك لنطير في لعبة
مهــاود :
و الزمن لة معايا العاب كتير
أراجوز : على رأسك مطاطيش
مهــاود : لازم تطاطى للنفق يلطش دماغك أو و اقلع الطرطور و عدى
أراجوز : النفق عتمة و طويل
مهــاود :
خطوة خطوة . و مش غريبة نلقى الخطاوى في عمرنا محبوكة مترتبة
أراجوز : قصدك تقول متفبركة
مهــاود : لازم نعيشها علشان نعدى . يمكن يكون في
عمرنا خطاوى باقية من الزمن
نلاقى فيها مجدك و مجدى
الكـــــل
: م أنت ميت من زمان
أراجوز
: وررررررررر
مهــاود :
وطي صوتك .... وخطى رأسك ... كش..... للأبخرة خرم لازم يعدية الجمل .
و أشرب أشرب يا عطشان م الزمن
الكــــل
: ( ضحكة ) بشبوش
ملوش في الروشنة
مهـــاود:
أصلة أبن بلد شويه
بهـــل
: ما أحنا بتوعها برضة . بس
مش أراجيز بشابيش
مهـــاود : اة طبعا
وز : يكفى أننا م سيبنهاش فركش زي غيرنا
مهــاود :
كتر خيركم ما أنتم قلتم من هنا . و من هناك
بــــــح
: و لأننا بنحبك تكون لذيذ
فاضلين معاك
الكـــل
: نبهللك
أراجوز : مناورة
الكــــل
: نوزوزلك
أراجوز :
مناورة
الكـــل
: نبحبحلك
أراجوز :
مناورة
الكـــل
: علشان تبقى هوب توب
أراجوز :
مناورة
مهــاود :
ربنا يخليكوا لي و للبلد .... ( للآراجوز ) أما أنت يا صاحبي مطلوب
و بإرادتي تحديد أقامتك ... يعنى خليك تحت جلدي . في
حدود جلابيتي
.... م هو لسانك بيفلت من لساني ... و المصيبة اللى أنت
فيها عندي و عندك
لما
خلوك هفية ... حالي حالك نسخوا منى
نسخ كتير . و الاسم مصري و الفعل يا عالم لمين . حسب الثمن ... و الفقير غصب عنة
لازم يشترى
بس
بمزاجه ... و الى باع لة باعة ... يعنى الآثنين متباعين ( يضحك بمرارة )
هـــوش م
أحنا قولنا .... أنت فاهم ... و أنا فاهم . و أدى حالنا يــا طيبين ....
لازم نلعب .... خطوة خطوة . و
الليل مهما يطول الفرج جاى و القربة ترجع
تتملى و أشرب
أشرب يا عطشان الـ ....
بهــــل
: طراطير . برانيط . عمم . تيجان البهللة و الـ عايز نيشان
مهـــاود : أشرب يا عطشان
بــــح :
سبح عقود بحبح شخاليل
مهـــاود : أشرب يا عطشان
وز : صفا فير الوزوزة زمامير
مهـــاود :
أشرب يا عطشان
هــــوبة :
نفافيخ هوب . بلالين توب لصاحب الحلم الكبير
مهــاود
: أشرب يا عطشان
الكـــــل
: ( دقة قوية بالقدم )
بهــــــل :
الأخ بهلول زينا بياع
مهـــاود :
راجل على باب الله
بــــــــح :
و اللى على باب الله شايل معاة أراجوز يعمل به أية
مهـــاود :
دة صاحبي بلاعبة و يلاعبني
هــــوبة :
المهاود ين بيتلموا حواليه يعنى تجمهر .... قصدك تقول أنة زعيم
مهــاود
: لا دا لعبة للولاد الصغيرين
بهــــــل :
مش عيب تبقى كبير و تصاحب لعبة عيال
مهـــاود :
أصلى بحبة
وز : لا لا عيب و الكلام الــ ببحبوح في الودان لصالح مين
مهــاود :
مش لصالح حد . دة كلام ورثينه عن جدودنا
بهـــــل :
يعنى رجعى عميل ... عميل لمين
مهـــاود : يا مصيبة سودة مش لحد .... دة بيروى
بكلمتة العطشانين أو يصحى العقلانين
بـــــــح
: زي مين
مهــــاود :
السوق فية كثير و على كل حال حصل خير
هــــوبة :
يبقى لازم تخرسة . لآجل تعرف البياعين تبيع
مهـــاود :
عشان كدة أنا مبيتة جوة منى
بهــــــل :
مش كفاية يبقى أ حسن لو تدفنة
مهــــاود :
دا الوحيدألــ عمرة مــا يندفن
وز : قلت أية ؟
مهــاود
: ( يخرج ألاراجوز من
عـبة ) بلاش أنت .... الحكم حكم البياعين
بــــــح : و أنت
أية سلعتك
مهـــاود :
ميــــــة
بهــــــل
: محلى ولا مستورد
مهـــاود :
لآ دى مية النيل
هــــوبة :
مش عيب تبقى مصري و تبيع مية النيل
مهـــاود : أعوذ بالله أنا بسقى العطشانين
بـــــــح
: يعنى مش بياع
مهـــاود :
و لا عمري يوم كنت
هــــوبة :
يعنى مشترى وسط البياعين
مهـــاود :
يدوب لقوتي و هدمتى و على الله التساهيل و دى سكتى يـا رب يـا كريم
الكـــــل :
استني
مهـــاود :
فية حاجة ثانية
الكــــل
: الليل بينا مشترك
هــــوبة :
و كمان واقفين بذ على أرض واحدة
مهـــاود :
و المعروف هو اللى باقي و الله
يسهلي و يسهل لكم
وز : أنت قلت الليل طويل
مهـــاود :
دة كان كلام بيني و بين ( ينظرألى حيث الآراجوز ) نفسي
هــــوبة
: و إذا اللعبة تحكم شور
مهــــاود :
و اللعبة أية .... لمؤاخذة يعنى
هــــــوبة :
زي ما عرفت أحنا أية
مهــــاود :
بياعين
بهـــــــل :
و البياع علشان يبيع بع أية يلزمه
مهـــاود :
مشــــترى
بــــــح
: و أنت مشترى و يلزمك
بياعين
مهـــاود :
أنا لا مشترى و لا بياع أنا راجل بسيط
هـــــوبة :
بيت بين مرفوض
مهــــاود :
قرشي قليل على قد لبسي و آكلتي و أنتوا لمؤاخذة بضاعتكوا
وز : بتلبى كــل الرغبات
مهـــاود :
قصدي ترفهيه استهلاكية قرشي لو يندفع فيها أبقى مبذر و المبذرين
بـــــــح
: أخوان الشياطين .... أعوذ
بالله .... سعرنا برضة قليل يعنى أنا بياع عقود
و شخا ليل . و كمان بياع سبح مطبوع عليها أسم الكنج الكبير . لو يطلع
الاسم من نصيبك يبقى يا سعدك . لا تقولي خاتم سليمان و لا مصباح علاء
الدين . و تقول للفقر بــاى بـــاى
بهــــل
: أما أنا طرطورى على قد
رأسك . على قد جيبك . تلبس الطرطور من هنا
تلاقيك
حلاوة . و أخر بهبها. و سعيد طرطور واحد عائل اللبسة منة مفعولها
أكيد
تلاقيك في حالك مرتاح شفى دنيا البهللة .
و كل فترة بنعمل سحب بين
الطراطير ..... و يمكن تكسب طرطور البهل الكبير و يا سعدك يا روش بين
الطـراطيــر
وز :
فووووو زمامير ( نفير حرب ) ناننا ... ناننا فووووو خلى صوتك من
زمرك .
و لا
ينسمع غيرك و الآمر أوردي أمرك . طول ما النفير توب عالي . أو
يضرب
بروجي خلى البعيد ييجى . يركع أو يضرب سلام ماعدش دة زمن
الكــــــلام
هـــــوبة : بس دة زمن الأحلام . و الآن بلونه هوب .
وياك تطير . نفافيخى سحرية بص
فيها . ملي عينك . بحلق قوى . شوف . المسها . جسمها زي الحرير . أحضن
الأحلام و طير
مهـــاود :
ياة نفسي فيها
هــــوبة :
و عشان الكل يحلم مين أشترى و قال هات الآن
مهـــاود :
يظهر أن مليش في الطيب نصيب
الكــــل : الشركة
عاملة تخفيضات
مهـــاود :
( يخرج النقود ) يا ما أنت كريم يا رب يظهر أنى هاعيش يومين
( يعد النقود ) واحد
أثنين لا حول الله يدوب ع القد
الكــــل : الشركة
عاملة تصفيات
مهـــاود :
أيوة ( يعيد عد النقود ) يبقى الصافي بعد العد واحد أثنين برضة
مايكفيش
الكـــــل
: الشركة عاملة تسهيلات
مهــــاود : الله أكبر . يعنى قسط . و القسط دايما
بيكون قليل و القسط برضة على كام
سنة . ياة . ياهنا من يعيش
مهـــاود :
يعنى ممكن أشترى . و أشترى و أشترى . بس كدة قيمة الأقساط كثير . و أنا
يوم معاية و يوم مفيش و نفسي أعيش . ما أنا لو موظف كنت جبت حاجات
كثير .... يلا خير .... ما هو الموظف أجرة كش . قسط للي و قسط للي .
و كل للي فاسد و ضارب . و القسط دايما مستمر في رقبته دين على رأى
صاحبي لما قالي فقر من غير دين هو الغنا الكامل و أدى قعدة
الكــــل :
يعنى أية
مهــاود :
بالى مرتاح و كافي خيري شرى و قربتي تحت رأسي أنعم من الحرير
و أدى نومة
الكــــل :
القربة فاضية
مهــاود :
(يكلم القربة ) دأنت غريبة لما أشيلك على ظهري تروى كل العطشانين
و لما أنتي تشيلي رأسي ألقى أحلامي كلها غنى ومواويل و برضة
بلسم سلسبيل
الكـــــل : ( بعد حالة مشاورات ) الشركة عاملة
جر رجل يا أخ مهاود
مهــاود :
أيوة مين .
بهـــــل :
ملايكة أحلام المحتاجين ممكن ندخل
مهــاود :
الباب مفتوح يا أهلا وسهلا
هــــوبة :
أنت مهاود أبن مهاود أبن مهاود
مهـــاود :
طول عمري مهاود اللهم أجعله خير
بــــــح
: حظك توب أبتسم حضرتك كسبت
معانا
مهــاود :
أنا كسبت معقول يا سلام أنا كسبت أخيرا
وز : مش تعرف الأول كسبت أية
مهــاود : مش مهم يا بية المهم الكلمة نفسها كسبت
ياة الكلمة دي وحشانى بشكل
أنا متشكر منك قوى أنتوا حقيقي ناس طيبة
بهــــل
: أحنا عارفين طول عمرك ملكشى
حظ
مهــاود : أي و الله يا بية مليش . رغم أنى عمري ما
كرهت حد و كافي خيري شرى .
و ربنا أعلم بحب الخير للناس كلها . أي و الله .... لكن الحمد لله ....
الحمد
لله ..... أحمدك يا رب
هــــوبة :
لآ لآ مش عاوزينك تتأثر كدة و دموع تسح
بـــــــح
: لحسن أحنا كمان
مهـــاود :
لآ يا بية ما عاش اللى ينزل دمعة من عين حضرتك دة بس من طيبة قلبكم .
الله يكرمكم يا بو هات . الحمد لله
بهـــــل : أنت كسبت من الشركة اشتراك مجاني لاستخدام
جميع وسائل الشركة المتميزة
في الشرق
مهــاود :
ياما أنت كريم يا رب كل الوسائل
وز : كل الوسائل يا مهاود
مهــاود :
برضة الحمد لله .... بس لمؤاخذة يعنى على قد علمي هو فية وسائل حريمي
و وسائل رجالي
هـــوبة : لا مش الوسائل دى . أنت راجل طيب دوح صحيح
وسائل يعنى أجهزة
بــــح
: عشان كدة أنت كسبت معانا
هــــوبة :
و أدى الكارت
مهـــاود :
الله جميل لكن مش هينفع أستخدمه في حاجة
بهـــــل
: لا ينفع لجميع أجهزة الكنج
بالمجان
هــــوبة :
يعنى أنت كسبت الكارت معانا و عليك أنت الأجهزة مش معقول هنجيب
لك كل حاجة
مهـــاود :
لآ يا بية كتر خيركم قوى
وز : و عشان ندعم الخوش بنا دى من عندي لك هدية و الرموت عندي أمانة
مهـــاود :
أهو كدة الكلام ( يأخذ في الصفير ) يا سلام ( بعد قليل يوقفة وز
بالرموت )
وز : الرموت عندي أمانة
بـــــح
: ودى سبحة كمان هدية
مهـــاود :
مفيش لزوم عشان أنا بحب أبقى حر في تسبيحى
بـــــــح
: يا سيدي بحبح على هواك أنت
حر فرش المهم تكون شعار في أيدك .....
و الرموت طبعا في أيدك
مهـــاود :
يــاة .... إحساس جميل بالبحبحة
بــــــح : بحبح
على الآخر المهم حاسـس بأية
مهـــاود :
بالانتماء لكل حاجة و أي حد
هــــوبة :
كل حاجة و أي حد .... يبقى خطير
بهـــــل
: مطلوب كنترول .... و الحل
في طرطور البهللة و أنا بياع لو يشترى
وز : هدهدة بطرطور هدية يبقى فيش لك أفيش
بهـــــل
: لا يا روش أنا مليش مصلحة
في السحسحة
بـــــــح :
أحنا فية بينا كنتراتوا سوق البياعين المشترك
بهـــــل :
أوكية أبجونى بالسعر اللى بينا و أنتوا تعطوة كاتوة هبة تروقوه
هــــوبة :
بهل هدهدة طرطور لرآسة فرش بدل طرطور بشبوش مساخر بؤ كخ
البياعين
بهـــــل
: بشبوش أراجوز كش زمانه بح
راح
هــــوبة :
مصالح الكنج بوح . النغة تيس فؤش لينا
بهــــــل :
النغة سكة ميح
هــــوبة :
مطلوب و مهم . فؤش لنج . دوحة روحة
بهــــل : أوكية و
الرموت
هـــوبة
: شور في أيدك .....
( مراسم تنصيب ) ( طقس
إيقاعي )
هــــوبة :
و أنا بصفتي ممثل شخص لكنج البياعين . يشرفني يأخ مهاود منحك لقب
زعيم . بعد إجماع البياعين على منحك أحدث طرطور فرش . يتم تشغيلة
على مراحل . مرحلة أولى ..... رموت
بهــــل
: مفاهيمه شقاليب
مهـــاود :
اللى فات فات و أحنا ولآد النهاردة ..... يا ســلام (يخلع مهاود ملابسة
)
الكـــل : بتعمل
أية
مهـــاود :
الحرية حلوة برضة .... و قول يا باسط تلاقيها هاصت
هــــوبة :
كدة توب جاهز هوب للمرحلة الثانية رموت
مهـــاود :
أبعت ... و اللى فيكوا يتجوز أمي يبقى عمى .... و أنا خدام البهوات .
و محسوب من قال خد
و أكره اللى يقول هات . طبعا ما عدا أنت . و لا
أنت .
و لا أنتوا . يبقى أكره مين . أيوة أكرهني ز و عشان ما أكرهنيش
لازم
أفضل تحت السلاح
هـــوبة :
عز الطلب . صهللة . أدية رموت
مهـــاود :
كلة في الطراوة . متفرقش مين و لية وأية و فين . أنا و من بعدى الطوفان
و ألعب ألعب في كلة تبقى كبير و أنا الكنج غصب عن عين ......
هــــوبة :
استني يخرب بيتك هتودينا في داهية
مهـــاود :
متأخذونيش يا أخوانا . جاهل مش متعلم و متنور زيكم يا شباب الروشنة
يا حلوين . و خليك في أية
الكــــل
: في اللذيذ
مهـــاود : (همــس ) هوش . خليك في أية
الكـــل : في
اللذيذ
مهـــاود
: ( بصوت مرتفع ) في اللذاذة يا
أولاد الـ ..... الهزازة .... هوش شوفوا دى
سكة الروشنة ( لهوبة ) مش قلنا فية حرية .... أنا حر .... و أنا
الكنج الكبير
( تنهرة هوبة ) على العيال دول ( ينهرونه ) قصدي يعنى في
حدود الــ....
( يجد نفسة بلا جلباب ) ( يسخر منة الجميع ضحكا ) أيوة الكنج الكبير
قوى
( الجميع يتحفزون به )
بس في حدود الطرطور
(
يضحك الجميع )
هـــوبة : كدة تبقى تت . و من حقك كمخلوق أليف تبقى
طموح ... تحلم ... يعنى تستاهل
البالونة هوب بلونه الأحلام
هــــوبة :
و متنساش معاك الكارت . و الرموت مع الكنج و أحلم . أحلم زي ما تحب
مهـــاود :
أيوة الكارت أهة ... و دى
ثمنها كام
هـــوبة
: الحساب يجمع و
أنت دلوقتى تبعنا برضة
مهـــاود :
يعنى بقت ملكي
وز : ملكية متبادلة يا صاحبي
بـــــح : بحبحها
تتبحبح قبل ما تلقاها بح
بهــــــل :
بهاليلوا شوف السعادة في عالم البهللة
( مهاود يتراقص بدون وعى )
هــــوبة
: دى دنيا البياعين عيش و
أستمتع
( يرتدى البياعين أقنعتهم و مهاود في قمة النشوة و هو يتراقص و هم حولة
فجأة توقف تام من الجميع ما عدا مهاود )
مهـــاود :
( في حالة جمود يحتضن البالون ) أنتوا هم
بـــــح : أحنا هم
مهـــاود :
البعباعين
هـــوبة
: لا لازم تفوق
مهـــاود :
لـية .... متسيبونى في الحلم الجميل
وز : الحلم دة فركش
بهــــــل :
بح لأنة من صنعنا
هـــوبة :
عيشناك في بلوشى و جة وقت الحساب
بــــح : و أنت
محتاج و المحتاج يدفع
مهـــاود :
ما أنتوا عارفين ( يضع يده في جيبه ) دا كل اللى حلتي
هــــوبة :
حقنا أكثر كثير
مهـــاود :
هة . محلتيش حاجة أديها لكم غير ( متذكر ) القربة والهدوم
بــــح :
مايلزموش أحنا عاوزين
الكــــل
: وز وز وز وز وز
مهـــاود :
لمؤاخذة مش فاهم . أه مبقاش غير البالونة ( ينفجر البالون )( بإحباط )
و الكارت ( يسقط الكارت على الأرض )
الكــــل
: وز وز وز وز
مهـــاود :
ماعدتش أملك الآ نفسي
الكــــل : هي دى
مهـــاود :
يعنى أية ؟
الكـــل : تملكنا
نفسك
مهـــاود
: أستغفر الله العظيم . كنت عن وعى غايب .
جلابيتي
بهـــــل
: لآ.... عاز ينك تفضل كدة
مهـــاود :
يعنى أية ؟
الكــــل : ملكنا
نفسك .... و بإرادتك
مهـــاود :
يعنى أية ؟
بــــح :
يعنى أيدك تترفع حسب الأوامر
وز : تشتغل حسب الأوامر . تنقطع حسب الأوامر
هـــوبة :
تدور تسقى ميتك حسب الأوامر
بـــــــح
: حتى ممنوع تروى عطشك الآ بأوامر
هــــوبة :
شور
مهـــاود :
يعنى أه .... زمن العبيد
وز :
يعنى صوتك ينخرس
مهـــاود :
أنا عمري قلت غير كلمتين . أشرب يا عطشان
هــــوبة
: حتى نداك من حقنا
بـــــح : و لآنا
نملك قلنا أشرب . و شربت
مهــــاود
: لآ . كسبت
بهـــــــل :
شربت منا مكسبك
مهــــاود :
وهـــم
بـــــــــح :
اللى يشرب يدفع الثمن
مهــــاود :
مستحيل أنا
الكــــــل :
أخرس
هــــوبة
: أنسى الكلام
وز : خلى مكان الكلمة زمر حتى زمرك
الكـــل :
حسب الأوامر
مهــــاود :
يعنى .....
بهـــــل : غطس
الطرطور للودان . شخر . و ممنوع تنام . و الحركة تبقى بالإشارة
أو بالعصاية
هـــوبة : الآنسان
اللى فيك بعته لينا . لما بعنا الوهم لك حلم
الكـــــل : و أنت
اشتريت
بهـــــل
: و أسأل
الطرطور يقولك أنك طلعت من هدومك
الكــــل : و
بإرادتك
بـــــح :
بحبحت غيرت جلدك
الكــــل : يعنى
بعت لما اشتريت
هــــوبة :
و في زمانا البياعين لازم تبيع
وز : و اللى زيك . ما يملكش غير أنة حسب الأوامر يشترى
الكــــل
: و الثمن . وز وز وز
مهـــاود : لآ
هـــوبة :
الكل باع قبل منك و أحنا بعنا . الآ أنت
بــــــح :
يعنى مش هتعمل فيها بطل
هـــــوبة :
وفى زمانا
مهــــاود :
عارف . معدش باقي لي في زمانكم من البطولة غير أنى أعترف بالهزيمة .
( في إشارة إلى الآراجوز ) سمعك يا صاحبي . على رأسك و أن مت موت .
و أنا رأسي فوق و أن حتى مت . الآنسان اللى فية راضع من النيل ميتة.
ضارب جدورة في طين الجسور له رب واحد يعبدة أسمة الكريم . قال
أنزلوها
أمنين . و أنتوا في زمانكوا يا جيل البياعين أعبدوا اللى تعبدوة .
أصنعوة . أشتروة . أنا مش ح أقول غير وحدوة و الآنسان اللى فية مش
ح تطولوه و أن مت أموت .
[ تــمــــــــــــــــــــــــت ]