)
مهاود يسقى العطشى من القربة في صالة المسرح )
(على خشبه المسرح ..
يجلس العواد أسفل عامود إنارة بأحد الشوارع ذات الطراز الشرقي ويبدأ
بالغناء .. يطفأ نور الصالة تدريجيا .. إضاءة خافته على خشبه المسرح .. يتجه
مهاود إلى المسرح ويجلس أرضا إلى جوار العواد ويغنى معه )
مهاود : (بعد الغناء ) يا سلام . م اللف والدوران طول
النهار أقعد هنا جنبك ارتاح
علي صوتك أحسك وتحسنى أشكيلك تقول الأة أفرح تغنيلى وساعة الضيق ألقى النغم
علي الوتر يشار كنى أحزاني بغنا وترتيل .. ونقول كمان
عواد : يا ليل ياعين يا ليلي يا ليل
مهاود
: الله يا صاحبي
ع الصحبة لما يجمعها الصفا والوداد ع الرضا بالمقسوم
(يضع أمامه طعام )
نقول باسم الله ولا برضه مش هتمد ايدك والصيام بس اش يفيدك دانت حتى صايم عن
الكلام إلا فغناك وأنا بقيت محتار في أمرك لو كنت شاكك في الأكل دا عيش وملح يعني
عشنا وملحنا ولا دول مشكوك فيهم كمان وان حتى كان أهو أأمن من أكل مالي السوق كتير
ولا يعني عيش وملح فيه ريحه العبد لله الفقيرمأنت ياما شفت عز في زمانك أما الزمن
ده خلاص أقمتك فيه متحدده في ودن الفقير ال زيك وال زيي يعني لله أمرك وأمري
(ينهي طعامه ) الحمد لله واللى باقي للقربه ميتها
واحنا ال باقيين لبعض (يشرب) وأدي نصيبك يا عم : أشرب . أشرب يا عطشان
السبيل دي مية النيل أشرب لجل ما ترويني . تصدق بالله بمشي وأدور وماقولش غير
كلمتين أشرب يا عطشان وفين وفين لما تتمدلي ايد وأجري لما ال يشرب يحمد ربنا ما هو
السوق بقي فيه مشاريب كتير ويا مكتر البياعين بكل شكل ولون أما أحنا لينا رب أسمه
الكريم
مهاود : ايوه يا
صحبي أنطق أنت فين
أراجوز : أرا أرا أرا أرا أرا إيه
مهاود
: أرا إيه
العواد : أرا
أه
محفورة ع الجبين
معجونة في لقمتي
تايها وملهاش دليل
مهاود : وأنا أصلي في قربتي
المغني :
والنيل علي عودي شطه يطرح غنا ومواويل يا ليل
أراجوز : يا ليل
مهاود :
يا ليل
المغني : يا نيل
المغني : الله
علي سكتك لما تكون لي دليل
ويــ ــ ــ ــاه علي صحبتك يأصيل
(الغناء بالتبادل في حالة انسجام )
(يترامي إلى الأسماع موسيقي غربية تعلو شيئا ف شيئآ
بينما يختفي صوت العواد والمغني ويضاء المسرح بإضاءات أخري ملونه من الخلف فتضفي
جوا موحشا فيختفي صوت العود )
(يظهر علي المسرح وز -
بح - بهل -
هوبه - في حالة
رقص وغناء مهاود في حالة مفاجأة مما يحدث وهو يدور بينهم)
الكل : يلا
وز : مز مز بالمز لما يهز
الكل
: هوب بح
يلز وأيه
بح : بحبوح باح لما اتبحبح
الكل : بح فز هز (شهقة )
بهل : بهلول هل بهلهيلو هلولو
الكل : يـــــــاه
هوبه :
هب هبابه في لهليبه
الكل
: وز وز وز وز
( الجميع في حالة بكاء مصطنع بعد الغناء )
مهاود
: أنتم لمؤخزه يعني
.......؟ ولا أعوز بالله
بح : فز (يقف مهاود )
وز
: حز
مهاود :
للشمال ولا لليمين
بهل : هز
مهاود : (يضحك
) ربنا يحظك يأبني
في النص
هوبه :
وز
مهاود :
ربنا يخف عني وعنكم لمؤخزه مش فاهم
هوبه :
يعني وز عجلك من هنا
مهاود :
إن شاء الله وز عجلك من
هنا الله الكلام ده عربي زينا
(يكتشف مهاود
اختفاء العواد )
الكل : بح مفيش
مهاود :
لأ كان فيه هنا عواد بيغني وأنا كنت جنبه بسمعه
الكل
: يمكن بتحلم في الطراوة
مهاود :
لا لاحقيقه دأنا ليلاتي بسمعه
الكل : مشفناش هنا نغه غيرك
مهاود :
يمكن يكون نام وأنا كمان أرتاح شويه عن أزنكم
بح :أحنا هنقضي الليل معاك فرش صهلله
مهاود : أنا
بقول النوم أفيد أنام بدري اصحي بدري اسعي علي رزقي
بح
: الليل طويل سأ مأ
لازم نعيشه في اللذيذ
الكل
: ياللذيذ
مهاود : لمؤاخذة مش فاهم ربنا يجعل كلامي خفيف عليكم
بح : م تخليك روش
مهاود : ربنا يسهلكم في حته تانيه غير هنا
هوبه : بح
كبر أحنا لوج لنج أنت زيح
مهاود : أنا مقلتش حاجه تزعل ده مكاني
هوبه : وأحنا
شركا في المكان يتكون
فرش يا تزيح تكش
مهاود : أعوذ بالله من الشيطان الرجيم
بح : هوبه انتي فزه كحة
هوبه : أنا
هوبه سح دح كنج عز لنج
مهاود : ما تصلوا علي النبي يا أخونا أنتو أصحاب
بهل
: لنج ميح نغة انجغه
هوبه : بهل
زيح
مهاود : ما تخدش في بالك دي بتهزر معاك
هوبه : بح فوح
للنغه كخ
بهل : بح فوح للنغة تت هوبه فزه كحة
وز
: هوبة أنت كنج مش سر كر كلة
شر
هوبة : وز
بح زمورة بؤ أفيش مفيش أسطب مش نخ كخ
بح
: بح فل مش فشو هش نش
بهل
: سهسة حوسة لوصة بؤ
وز : النغة تيس فؤش لنج
مهاود : الله يكرمك
هوبه : النغة
فيش طأ شح مح
مهاود : أيوه صح طأ لأ
وز : بح شف أنت زيح خف لف
بح : النغة لوح سوقع
فشة كشة مش هشة
مهاود : أصحابك معاهم حق يأخ كرشة
هوبة : أسمي
هوبة
مهاود : وماله ما هو زمن متهيالي من حقهم يدوروا علي مصلحتهم (
تنهره هوبة ) ومصلحتهم برضو مصلحتك
قولتيلي اسمك أية ؟
هوبة : هوبة
مهاود : بس طيبة وباين عليكي بنت حلال ........ حلال بلال مش
كده ياخ ؟
بح : بح
مهاود : أية ملكش أسم
بح : أسمي بح
مهاود : أحسن برضة .عاشت الأسامي والأخ؟
وز : وز
مهاود : وز عجلك من هنا ( يضحك ) حلو أوي كلامكم مع بعض
فش حش مـء هـء ال يعيش يامايشوف
الكل
: واللي نلاعبة يشوف أكتر لما نعلمة
مهاود
: طبعا والعلم نور
وأنتو طبعا متعلمين يأخ
بهل : بهل
مهاود
: مين لمؤاخذة أنا
بعرف أقرا واكتب الحمد لله
بهل : أسمي بهل
مهاود
: أسمك .........
دالواحد يحمد ربنا بقي علي أسمه . بهل . هوبه . وبتاع الوز وكلة إلا (يضرب
بيديه ) ........ بس دى أساميكم بجد
بح : لذيذة
مهاود
: أه طبعا بس شكلكم
أغراب أجانب
الكل : أحنا من هنا
مهاود
: وماله دنا يحصلي
الشرف
الكل
: وبرضة من هناك
مهاود
: هناك فين بقي مأنا قلبي حاسس لمؤاخذة يعني
الكل : مخلطين سأسأة
مهاود
: من دا علي دا
وز : مظبوظ
مهاود
: من غير شر لكن
الأصل منين المعرفة حلوة برضة ولا أية
هوبه :
أحنا ولآد النهار دة فؤش طازة
بح : ولآد الزمن دة فرش دش
مهاود
: يعني أنا مصري
أنتوا ؟
بهل : (يضحك ) البلد شاخ في شخا ليلة
بح : دوحة روحة
مهاود
: تاني هنرجع للكلام
دة .... طب أنتوا بتشتغلوا أية
الكل
: بياعين
مهاود
: حلو ولآد سوق يعني
الكل :
في أي سوق بتلاقينا ...... بياعين لكل لنج (حالة بيع ـ سوق )
مهاود
: أنا كمان أبن سوق
..... بس أبن بلد ألف أسقي الخلق مية من قربتي .... ومش مهم أخذ فلوس .... مستورة
....المهم أسقي العطاشا
هوبة :
من دي .... أمبو كخ .... مش مدرن
مهاود
: القربة دي ميتها
مش أي مية دي مية النيل والسر فيها تبقي حلوة شهد لل يحب البلد دي ونار بتكوي
للي يكرة ولا ينكر للجميل
بح : وشربت بؤ من النيل كتير
مهاود :
عمري كلة بأرتوي . معلهش ملكمش في الطيب نصيب القربة فاضية بس بكرة بتتملي مع طلة الفجر الجديد وأنده وأقول
أشرب يا عطشان
العواد : (صوت
من الداخل ) المية ليه في قربتك جفت مادمت سبيل
(دقات
مسحراتي )
العواد : سهران
تداوي في سكتك وأنت يا صاحبي عليل
( دقات
مسحراتي )
العواد : إن
كان زمانك جبر .... تلقا العبر في نداك
مهاود
: الندا ورثي من
جدودي
عواد
: من عشرتك يا نيل علمتني أدي
وأنت الـ باقي أصيــــــــــل
تنده لي وأنادي
وأصرخ في أولادي
أشرب بقا يا عطشان
مهاود
: أشرب يا عطشان
وبأعلا صوتي
بح : باين عليك وفي للنيل وميتة
مهاود
: الله ينور
عليك وأحب أسقي العطشانين الشقيانين
ولا أبل ريق البياعين الـ زيكم
طبيبين
بح : باين عليك أنت الـ طيب دوح أنسان والزمن محتاج
مهاود : انسان واية هأعوز غير لقمتي وهدمتي وناس
طييبين في سكتي وأعيش سعيد
بهل :
وهو اية معني السعادة للزيك .... وأنت هموش هم توهه
مهاود : قصدك فقير .... الـ يسعد الفقير فعل خير
يقدر علية للفقير الـ زيه
هوبه
: وتفضل فقير شح مح؟
مهاود : السعادة في الرضا
وز :الرضا عزل موت مفيش طموح
مهاود : مين قال كدة
بح : تفضل ذليل أجير لقربتك والعطشانين
مهاود
: الـ عندي مش قليل .... عشت عمري كلة حر
.... صوتي عالي زي الوتر ع العود
عمرة مانام .... عمال يمزع في السكوت برعشته .... والليل يدوب في عتمته ....
والنغم عمرة ما تاه لأنه عارف سكتة وأنا كلمتي من كلمته .... أشرب يا عطشان ....
والعطاشا ياه كتير علي كل صنف ولون .
( مــــــوال )
وأشرب
وأشتهي .... عبي وشيل .... ويا ويله من كان حمله تقيل
هوبه : سوري مش فا همين
مهاود : قصدي
أقول الأصيل يفضل أصيل
هوبه
:
أوكيه الأنتكات شيئ جميل
بح : قصدها تقول انك أصيل دوح زمانك
هوبه
: عمرك شقا كور . كور .... عيش
روش يومين فل فل
مهاود : كل الـ نفسي فيه بعملة بس بضمير
بهل :
يعني حبة بهبها .... تسالي فرش فرفشة
مهاود : أيوة أمال فيه .... معايا صاحبي ....
يعرف م الزمن حواديت كتير .... ساعات كدة لما أكون رايق بلاعبة .... وأن تهت
ألاقيه دليل .... وان خفت يأنس وحدتي .... يفهم كلامي وأفهم كلامه .... صحيح لسانة
طويل . بس بحبة زي كل الأولاد . لأ والكبار لما وشوشهم تبتسم علي طلته هو دة (
يخرج الأراجوز)
أراجوز : مساء الخير .... وررررررررررر
بهل :
أرا .... أرا
وز : جوز ( فووووووو )
هوبه
: بشبوش شعبي هأ هأ ه فش مساخر
بح
: بشبوش بيبي البهاليل .... بهل . بهل طرطور بيبي طراطير
بهل :
طرطور طار بح .... أراجوزنا العظيم صاحب أشهر طرطور اراجوز: وأطول لسان
مهاود : دول يا صاحبي .... أولاد النهار ده ....
ناسي في سكتي . صحيح لغتهم مش فاهمها . والليل جمع بيني وبينهم . وعتمة الليل يا
صاحبي محتاجة ونيس
اراجوز : ويبقوا أصحابي وأصاحبهم
مهاود : طبعا وخصوصآ لو كانوا طيبين
أراجوز : وأعرف منين
بهل
: نتعرف ..... دأنا نفسي من زمان أشوف بشبوش .... وبأيدي المس طر
طورك
أراجوز : تبقا
بياع طراطير
مهاود : ما علينا
أراجوز :
والباقيين
وز : أنا وز
أراجوز : بياع زمامير
وز : (ينظر للزمامير التى في يدة ) وصفافير
مهاود : ما
علينا
أراجوز : والأخ نصاب (ضحكه من المجموعة )
بح : (يرتبك ) بياع
سبح وشخا ليل
أراجوز : مافرقتش كتير
بح : لأ تفرق
مهاود :
ما علينا
أراجوز : والأخت مين
هوبة
: يهمك أوي تعرف
أراجوز : مش برضة بياعة؟
الكل : دي تبقا كنج البياعين
أراجوز : طظ
الكل : اية
مهاود :
ما علينا . قصدة بتبيع للخلق أية
هوبة
: نفافيخ وبلالين هوب توب
مهاود
:الله دي جميلة قوي
هوبة
: لا وأية . نقي وأختار . بلونه هوب يعني توب ورسوم لكل أحلامك . دندشة .
فرفشة .... وعندي أحجام وأشكال كتير . هوبا تكبر . وكل ما تكبر تشوف الحلم أكبر
وأكبر . قولي بتحلم بأية . تبقي وزير .... سفير .... ولاعايز تزور باريس
بح ؛ وز : وز وز وز وز وز وز وز وز (بصوت خافت خلف كلام هوبه
)
( بهل يحاول اغتصاب طرطور الأراجوز في غفلة من مهاود )
هوبه
: حلمك معايه حلم كل الطيبين . تلقي كل الأرض جنة . فله . بص . طل . شب .
شايف أية ؟
مهاود :
يا سلام الخلق عايشه كلها في أمن وأمان
هوبة
: وأنت نفسك في أية ؟
مهاود :
أيوة . نفسي أحج بيت الله الحرام
هوبه
: ولا تقدس
مهاود
: أيوة تمام . القدس .... دي سكتي . وأشيل
علي ظهري قربتي واروي كل
العطشانين .... الحلم قدام عينيه طايله
هوبه
: يلا .. هوب .. هوب .. هوب . (تحاول جر مهاود لأيقاعة من علي المسرح )
مهاود
: أشرب يا عطشان ( يكاد يسقط )
أراجوز :
ورررررررر علي الله
( ينفجر البالون الذي بيد هوبه )
مهاود
: أنت نطقت ليه الحلم كان قدام عينيه بتنط ليه في سكتي
أراجوز : طر
طوري ....طر طوري ....الحمد لله .... طر طوري أصيل
مهاود : أنا في أية وأنت في أية .... بدل ما تحس
همي . همك علي طر طورك
أراجوز : طر
طوري حتة مني .... ياحرامي ( لبهل ) أنت ربنا نجدك من أيدي .. سبني بس عليه
. سبني وأنا أوريه .... أنا لازم اقطعه
بهل : أنت بؤ سهسها
أراجوز : طب
قوله يسبني وأنا أوريك .... سبني أنا لازم أقطعه
بهل : سيبه
أراجوز : عشان
خاطرك بس سماح النوبة
بهل : هو حد كلمك
أراجوز : هو حد
ما سكني أنا لو عايز اطولك . أطولك من مكانك
بهل : أنت (يضحك ) هتعمل أية
أراجوز : أقول
لك عشان تهرب (الأراجوز
يري طرطور بهل علي الأرض خلفة )
بهل : هروب لأ
أراجوز :
طب أنا هوريك
بهل : بؤ حوسة لوصة طأ
أراجوز : لو
راجل خليك مكانك
بهل
: أنا واقف
أراجوز : لأ
هاتجري
بهل
: موش هاجري
أراجوز : طب
أقعد
بهل : أو كية ( يجلس علي طر طوره ) (يبتسم مهاود ) وريني هتعمل أية
أراجوز : وررررررررر ياحرامي
بهل
: كدة . طر طوري نوري .
هش كش
أراجوز : كش يا
مفش . أن طر طورك مشالكش أشيلك علي طر طوري
ورررررررر
بهل : أنت قليل الأدب . كخ بؤ طأ حنك
مهاود
:
حقك عليا قصدة يشيلك علي رأسة . يصالحك يعني
أراجوز : صح .
وأن كنت زعلت علي طر طورك معك ثلاث طراطير
ورررررررر
وز : لأ بقا .... بشبوشك بخ كخ
أراجوز : أنت
زعلت
وز
: طبعا .... كور
كور سهسها
وز
: بؤ مساخر . شور
شور
أراجوز : و الله العظيم أصالحك
وز
: و كخ ما فيش
أراجوز : ما فيش
وز : خلاويص
أراجوز : كان عاوز يسرق طرطورى الأخضر
بهل : يا كذاب مش أخضر
أراجوز : طرطورى الأصفر
بهل : ولا أصفر
أراجوز : أصل مش
شايف لونه . لونك أية . لونه أية
بهل : أحمر
أراجوز : أحمر
منك مفيش ( يضحك ) ( يضحك مهاود )
بهل : بشبوش طوظ
أراجوز : أنت
زعلت منى ... طب أصالحك
بهل
: هنكرة بؤ مساخر
أراجوز : و الله
العظيم أصالحك
مهاود :
خلاص بقى حصل خير
أراجوز : و حياة
الكنج الكبير
بهل : أوكية صلح خوش لك
أراجوز :
خوش بوش
بهل : خوش بوش
أراجوز :
خوش بوش ظأطيط
بهل : ظأطيط أدب
أراجوز :
و أبوس رأسك .....ثم أحنا ولآد مصلحة واحدة
بهل : مصلحة
أراجوز :
مصلحة الطراطير... أنا على رأسي طرطور و أنت طرطور (يضحك الجميع )
مهاود
: خلاص بقى متزعلوش خلية يصالحك
بهل
: بوس
أراجوز :
و الله العظيم أبوسها
بهل
: خلاص بوس
أراجوز :
أنا هاصالحك ولا هاصالح الطرطور
بهل : صلح لية
أراجوز : يبقي أقلع الطرطور
بهل : خلصني بوس ( يخلع الطرطور )
أراجوز : فية
ريحه ..... فية ريحه نتنة ياخوانا ..... فية ريحه مين قالع جزمتة
بهل :
خلاص بلاش . دة طرطورى نورى . ريحه فل . مش كوتش رجل
أراجوز : و الله
العظيم أبوسها
مهاود : خلاص
بقى متزعلوش
بهل : بشبوش ألاعيب
أراجوز: و الله
العظيم
بهل
: خلاص بلاش حلافين
أراجوز : ممكن أرش بدرة مكان مابوس
بهل
: المهم خلاويص
أراجوز: يعنى
أرش فيها حاجة ياخوانا عشان أبوسه بإخلاص
الكل : رش
بوس
أراجوز : ممكن فوق شوية ( يتحرك بهل ) كمان فوق (
يتحرك بهل ) رأسك تحت شوية ( يتحرك بهل ) ( فجأة يضرب الآراجوز بهل
بعصاه ) على الله وررررر (تدور
محاورة بين الآراجوز و بهل يشترك فيها وزوهب ويح يضع لهم الآراجوز بدرة
العفريت و يضربهم و تدور المحاورة من خلال الأسئلة و مهاود يحاول التهدئة )
( الكل في حالة أنهاك قوى حتى مهاود بعدما حدث من هرج )
مهاود :
طبعا مكسوف تورينى وشك بعد العملية و أنا قلت لك دول صحابي .... حتى لوماكنوش برضة
ميصحش تطول لسانك عليهم
أراجوز : يعنى أسكت
مهاود : أيدك ما
تتمدش مش قلت لك دول نصيبى في سكتى
أراجوز : كان لازم أربيهم
مهاود : مش
بالعصاية دول برضة متعلمين
أراجوز: دول شلة بياعين حرامية
مهاود : كل زمن لة ولادة . و دول ولآد النهاردة
أراجوز: دول نصابين
مهاود : على أية يا حصرة ... و أيش يطولوا في اللى زيي لا
حلتى و لا حواليه... يدوب كافي خيري شرى
أراجوز: عازين يسرقوني ... فاهمين أن على رأسي طرطور هفية
بـــــــح
: أحنا ..... على أية يا
نغة
وز : بشبوش طظ فش
هـــوبة
: اسمع يا صاحبي . بشبوشك
دروب بين حلمك و بينك كشة فشة
بـــــهل : طرطورة رآسة .... متخلف .... مش مدرن
مهـــاود: يأخوانا دة حتة منى .... ذي القربة دى تمام
الكــــــل: القربة بــؤ العطشانين .... إنما دة يبقى
لية
مهــــاود: الــ تحت طرطورة رأسي
بهــــــل :
بدل الطرطور لو كان عليل
بــــــــح
: زي ما العمة بح و العقال
وز : زي ما داب الطربوش في زرة
هـــوبة
: عرى رأسك فرش أو غير تعيش
مهـــاود: مأنا مش خواجة لآ ألبس برنيطة
أراجوز :
فشر
بـــــــح : أحنا ما قولناش كدة . كل شلة يشبة هلة
بهــــل
: بهلول زمانا بهلوان
هـــوبة :
و الرأس دى يلزمها تاج ملك
وز
: ماسك في
ايدة صولجان
مهــاود: كلمتى لو تنخرس . فوق لسانة بتتولد
بــــــح
: الكلمة لو مش لغة الزمن دة تنخرس
وز :
و الكلام في زمنا زمر. أو صفير . و اللى زمرة عالي همسة ينسمع
بـــــهل :
دا الإشارة أمر
هـــــوبة
: و الصمت أبلغ مــ الكلام
مهـــاود :
أنكتم ؟
أراجوز :
فشـــــر
وز : اللسان اللى ما يطاوعك يــا صاحبي
هــــوبة :
جزة
بهـــــل
: اقطعة