فكــرى : (
يغنى) حبة
نسا من الشرق علينا بتصـرمح
يا
كتف نادا لنا الورك والفجر بيسحسح
يكسب قواد النور يا ليلى بقى تـروح
حســن :
لا يمكن أكون أنا اللي كاتب دة و لما قابلته تانى قالي
فكــرى :
يا أبو على دى تعديلات بسيطة ما تغيرش المفهوم ثم أنت زعلان من الأغنية
خلاص
يا سيدي خليها بأسمى وده مطلب شعبي الناس يا حبيبي عايزة كدة وأنا ما أزعلش
الناس
حســن :
الحقيقة أنا قلت في داهية والحمد لله أن الأغنية مش هتبقى بأسمى لحسن تبقى
فضيحة
عـــواد :
ولا الندوة اللي جت في التليفزيون بعدها . قعدت المذيعة تسأل الأستاذ مؤلف
وملحن
ومغنى أغنية العصر الشبابية وهى في منتهى الإعجاب
خضرة :
أزاى يا أستاذ قدرت تعمل الأغنية العظيمة دى
فكــرى :
بداية أنا عملت الأغنية دى عشان أحارب الأغنية الهابطة اللي مالية السوق
وده واجبى
كفنان ثم أن الكلمة ذات الهدف والمعنى لها عامل كبير على نجاح الأغنية لما
نقول حبة نسا
من الشرق أي أن الأغنية شرقية مائة في المائة علينا بتصرمح لفظ شعبي شائع
أي أن
الأغنية شعبية وبعدين الرمزية القوية في يالكتف ندلنا الورك أنا بكلم مين
الكتف يا هانم اللي
بينادى مين دة مهم جدا ثم التوعية أن الفجر بيسبح نعم علينا أننا نوعى
شبابنا من
مسألة
السباحة وبعدين البعد السياسي ياكسب قواد النور لأ ما هي مأساة يا كدة ليلى بقى
تروح وليلى دى مين يعنى لازم أكسبة أصل ليلى كانت مع النور وقتها فكنت مضطر
طبعا
أما اللحن فدة لحن شبابي عصري رغم جمال صوتي الأ أنى أصريت أن أستخدم
الآلات
الشرقية وخصوصا الطبلة والكورال وياعينى على الناس وياوعدى علىالجمهور
خضرة:
حقيقي أغنية عظيمة أعادت للأغنية العربية سابق عهدها
حســن : ( يهجم عليهم) عهدها مين يا ولآد
الــــــ
فكــرى :
حاسب ما فيناش من شتيمة
خضرة :
أحنا بس بنفكر معاك باللي حصلك
حســن :
ما طلعت حمار وقلت أروح للشاعر الكبير يمكن يساعدني بدل ما تيجى رجلى في
السكة
دى بتاع الشبابية
عـــواد :
أيوة تعلالى أنا بقى طبعا أنا شاعر كبير وأفهم مشكلتك وأوعدك أنى أقف جنبك
حســن :
أيوة ووعدتني وسيبت عندك أشعاري وبعد ما قلتلى الدرس أياة
عـــواد :
يا أبني كلامك جيد وأسلوبك جميل بس محتاج تدرس شويه عروض وتحافظ على موسيقى
الشعر( وكأنة في برنامج شعراء على الطريق ) بس لازم تقرأ كتير
وخصوصا لأبونواس
وعنتر وأبو زيد الهلالي مع بعض شعراء الغرب طبعا كي تلم بكل نواحي الشعر
حســن :
وبعد شهر ألاقى أشعاري نازلة في ديوان بأسم الشاعر الكبير ويئست وبطلت أكتب
شعر
وفشلت
أنى أشتغل في أى حاجة ما أنا كنت عاوز أكون شاعر وفشلت ومشيت أدور في
الزبالة على
أى حاجة لها تمن يمكن في يوم ألاقى خاتم سليمان أو مصباح علاء الدين وأقدر
بيهم
أغير الكون وأخلى اللي فوق يبطل يدوس على اللي تحته ويعملة قيمة مش يسرق قيمة
غيرة لكن للأسف . لقيت أن دة مستحيل وعمر اللى فوق ما هيسمح أبدا أن اللى
تحت يبقى
له
قيمة علشان كدة لازم يدوس علية يقتلة ويخلية مالوش تمن وقلنا ومالة ما هو برضة
اللى
فوق
واجهتنا وقيمته من قيمتنا بس ما هو اللى فوق داس علينا وأعتبرنا زبالة مالهاش قيمة
وراحت
قيمته وبقيت تافهة وهايف وفاضى وقلت خلاص أمركم يا سيادى وجيت الخرابة
وعشت
في الزبالة وعملت الحمار صاحبى بالنهار يشيل عنى وبالليل أحكيلة همى وعشت
سعيد معاة لحد ما يوم وأنا ماشى لقيت ست بتبكى على الطريق
خضرة :
أستنى يا حسن أنا جاية أهة ( تبدأ في الصويت والعديد على زوجها)
حســن :
مــــــــــالك يا ســــــــــــــت
خضرة :
منهم لله أصحاب العربيات والزلمكات قتلوا جوزي وهو جاى من شغلة على حمارة
خبطته عربية
حســن :
ومسكوا صاحب العربية القاتل دة ؟
خضرة :
الحكومة الله يسترها قبضت علية يا خويا وبيحققوا معاة آه يا جوزي يا حبيبي
يا مهنيي
حســن :
ويوم الحكم رحت أنا وصاحبي المحكمة
عـــواد : (
حاجب) ممنوع دخول الحمير يا أخ
حســن :
لكن القضية تخص الحمار المقتول وصاحبة
عـــواد :
المحكمة للبنى أدمين دى مش زربية
حســن :
وحسيت أن صاحبي الحمار زعل فخليته يبص من الشباك وجه القاضي
خضرة :
يا حبيبى ياجوزى يا ميت مقتول بزلمكة يا خويا
عـــواد :
محكمــــــــــــــــــــــــــة
فكــرى : (
القاضي) بعد الإطلاع على القضية تبين للمحكمة أن الخطأ الذي أودى بحياة الحمار
وصاحبة نتيجة
سرعة الحمار الزائدة مما أدى إلي صدام الزلمكة لهم وقتلهم وعلية قررنا
تغريم الزلمكة بدفع التعويض الأتي : 300 جنية تمن الحمار المتوفى و100 جنية
تعويض
وجنازة صاحبة رفعت الجلسة
خضرة :
يا حبيبى يا حمار يا غالى يا حمارنا
حســن :
ومن يومها وأنا عرفت قيمتي وكل ما أبص في وش صاحبي أشعر بالخجل منة حتى هو
كمان أتغير حسيت كدة زي ما يكون بيتكبرعليا أو يعنى شايف نفسة لما لقي تمنة
أغلى
منى في الحقيقة برضة أنا كمان نفسيتي أتغيرت بقى حمار وتمنة أغلى . غليت
رخصت
برضة حمار بتبصلى كدة ليه متبصليش عمر ما هتكون راسك براسى مهما يكون أنا
بنى
آدم ( الحمار يصدر صوت) ما أنت حمار أنا بكتب شعر أنت تعرف تقول شعر(
ينهق
الحمار) ما لك حق أشمعنى أنت (
ينغم التنهيق) وبتغنى كمان يا حمار أن أنكر الأصوات
أسكت أسكت أنا لا يمكن أسمح لك ولا للزيك أنكم تتحكموا فينا حتى لو بقى لكم
تمــــــــن
(
وينهال ضرب على الحمار)
خضرة :
وجت للحمار حالة كبت من عيشته معاك
حســن :
وفضل أنة يموت
خضرة :
قصدك تقول أنتحر
حســن :
حمار مقدرش يفهم أنة طول ما كان حمار كنت بحبة . بحبة حمار وبس لكن يلبس
توب
غير توبة لمجرد أنة سعرة على يبقى في ستين داهية
فكــرى :
برضة في ستين داهية مش دة اللي كنت هتموت نفسك عشانة يوم ما مات
حســن :
العشرة برضة لها حق ثم أنة كان عامل لة قيمة برضة وكنت بحبة
فكــرى :
ومن فلسك مقدرتش تشترى غيرة وطلبت منى أعملك النموذج دة شبهة
حســن :
أيوة عشان على الأقل محرمتش نفسي من متعة القيادة وأن قيمة أى حاجة باسوقها
حتى
لو كنت باسوق نفسي أو باسوقنى
عـــواد :
تبقى دى أخرتك راحت عليك يا صاحبى
وأنت أسمك عود يا ريت تعود
خضرة :
يبقى لازم تساير العصر والزمن قبل ما تروح علينا ونخرج من الخرابة قبل ما
تعشـــش
جـــــــــــــــــــوانا
حســن :
ما سايرته وفكري عمل لي حمار طلعت أنا الحمار وعشان أبقى عصري ناقص حاجة
واحدة بس . الريموت كنترول
فكــرى :
وكل يوم يبقى لنا شخصية حسب البرنامج ووفقا للنظام
خضرة :
هي دى الحرية عشان كدة أنا مصرة أبقى ممثلة أتقمص الشخصيات اللي تعجبني
حســن :
غلط بالريموت كنترول يعنى إبداع مقنن مقيد حسب رغبات ونزوات المتحكم فينا
خضرة :
وأحنا من أمتي محدش أتحكم فينا . مين فينا بيعمل اللي بيحبة . مين فينا
بيشتغل الشغلة
اللي يقدر يبدع وينجح فيها ( تتجه للصالة) حضرتك مثلا بتشتغل أية؟
وكنت تحب تكون
أية ؟ وبتدرس في كلية أية ؟ وكنت بتحب كلية أية ؟ ولحد أمتة هيتحكموا في
مصيرنا باللي
أسمه تنسيق ؟ وعايزنا نحب عيشتنا وحياتنا ونرضى عنها بعد ما فرضتوها علينا
فكــرى :
نرفضها . نقول لأ
خضرة : عيب . كلمة لأ عيب ( تتقمص شخصية أمها )
أحنا معندناش بنات تقول لأ فاهمة أنتي لسة
صغيرة ماتعرفيش مصلحتك ما فيش حاجة أسمها بحب ومابحبش دى تبقى قلة أدب
(
تعود لشخصيتها) وعلشان أكون مؤدبة لازم أسمع الكلام وبكده بقيت بنت مطيعة مش
من حقي حتى أحلم
حســن : وطبعا مثلتى دور البنت المطيعة العاقلة المؤدبة
اللي ما تقولش لا ودا علشان أهلك يستمتعوا
بـيــــــــــــكــــى
خضرة :
مثلت السلبية ولقيت أن تمثيل الأدوار اللي بتعجب أهلي بتحل مشاكل كتير ولما
كنت أبقى
لوحدى كنت أضحك . أرقص . ألعب . أحب و أكره . أصرخ ومن قلبي كنت أقول لآ لآ
لآ
وأبكى كل ما أفتكر أن أتسرقت طفولتي
عـــواد : ( بصوت عالي) بنت يا خضرة
خضرة : ( وكأنها صعقت) نـــــــعم
حســن :
كــــدة عيب قيام
فكــرى :
عيب تقفى
عـــواد :
عيب تقعدي
حســن :
عيب تمشى
فكــرى :
عيب تبصى
عـــواد :
عيب تفكري
حســن :
عيب تفهمي
( بالتناوب بينهم) عيب
عيب عيب عيب
خضرة : (
تصـــــــــرخ )
الجميع :
عــــــــــــــيب تنطقي
خضرة : (
تقف مكانها وكأنها مقيدة في رعب وخوف وكلما حاولت التحرك يصدر صوت مـــــن
الكـــــــــــــــــلب )
عـــواد :
يا خضرة أحنا بندور على مصلحتك يا بنتي
حســن :
وبنخاف عليكى
فكــرى :
وبنحبك
خضرة :
لو بتحبونى وبتخافوا عليا وبتدوروا على مصلحتي علموني فهموني لكن أنتم
زرعته فينا
الخوف والجبن والسلبية سلبتوا شخصيتنا وبقينا محتارين أنتوا عاوزين أية
توهتونا . حرام
عليكوا أعطونا الثقة في نفوسنا
عـــواد :
يا بنتي طالما أختيارك صح وفى مصلحتك يبقى حقك
خضرة :
وأنا أخترت يا بابا أبقى ممثلة وحمدت ربنا أن التمثيل بيعتمد على القدرات
والرغبة مش
بالتنسيق اللي بيتحكم في مصيرنا أنا عاوزة أبقى ممثلة يا بابا
عـــواد :
عايزة تبقى أية يا قليلة الأدب على أخر الزمن عاوزة تحطي راسى في الوحل
عليكى
اللعنة . آه يا قلبي
خضرة :
وقتها أبويا مماتش أنا اللي مت . وعشان راسة متبقاش في الوحل راح وسبنى
أعيش
وسط الزبالة مبقتش عارفة أنا عايشة في الخرابة ولا الخرابة هي اللي عايشة
جوايا
فكــرى :
خرابه منا . خرابها فينا . فين ما روحنا وفين ما جينا
خضرة :
وحاولت أهــرب
عـــواد :
خرابه منـــــا
خضرة :
وكان الحلم أضواء وشهرة
وفساتين سهرة
فكــرى :
خرابها فينا
خضرة :
وقلت ياة برفان وعطر يغسل ريحتها
حســن :
فين ما روحنا وفين ما جينا
خضرة :
ضحكت وقلت ضحكت الدنيا وحسيت خلاص رجلى على أول السكة
عـــواد :
في ريحه نتنة
خضرة :
وقبل ما خطى قلت لا مش دى السكة سكة ندامة تمنها غالى وحاولت تانى لاقتنى
تهت
حاولت وحاولت وكل مرة جربت هربت خفت والغريب ما لقتش صدر يضمني غيـــر
الخرابة مكان
غريب رغم أنى بكرهه لكن بلآقى فيه ألأمان
عـــواد :
والحلم راح
خضرة :
أنا عاوزة أبقى ممثلة لكن بشرط ما أنساش مين أنا
فكــرى :
حتى أنتي طلع جواكى أراجوز
خضرة :
على الأقل له تاريخ وتاريخ طويل وله جذور وأصل لكن هناك مليون قناع وزيف وأنا
عاوزة أبقى ممثلة لمين وفين لأي حد وفى أى حتة لأ . هنا على الخشبة دى . أل
أية
حســن : (
يرتدى قناع) عشان تكوني ممثلة أوعى يا حلوة تمثلي الوسط بس ترقصي وعلينا أحنا
الأقنعة ( يضع على وجهة قناع )
خضرة :
لأ يا خرابى فين خرابتى . رجعونى عاوزة الوجوه الطيبة . حوشوا عنى
الأقنعــــــــــــة
(
يخلعون الأقنعة ويلتفوا حولها )
خضرة :
أنتوا ناس مش كدة . خليكوا جنبي . الخرابة مين خربها؟
عـــواد :
اللي خربها قعد على تلها
فكــرى :
نبقى بــوم أو غـــربان
خضرة :
مين خربهـــــــــــا ؟
حســن :
مش مهم مين خربها الله يسامحه
عـــواد :
اللي بناها كان في الأصل فنان
فكــرى :
واللي خربها تنابلة السلطان وكان ياما كان ولما كل واحد فينا قال عاوز من
الورث حقي
وتبقى السلطنة ملكي ويبقى كل الورث ورثى وباقي التنابلة نفس الفكرة فكروا
وراحوا في
الورث يفرقوا ويبعتروا ولما حسوا بخبيتهم سألوا اللئيم ما هو عيب التنابلة
يفكروا. أم قال
لهم: القيمة مش في الورث ع الكنز دوروا وما صدقوا وكل واحد أول ما أتنازل
عن التنبلة
هـد
بيتة علية أل أية يمكن يلاقى الكنز وبقت خرابه ومن الجوع فاقوا ونسوا يفكروا
توصلوا
أن
الحل في الزبالة يدورا عن خاتم سليمان أو المصباح ويا عيني على التنابلة لما
يفكروا
( إيقاع مولد أشبه بالزار مع كلمات تنم على الأتكالية والتكاسل )
دراويش
ودايرة في البلاد بتقول مدد مدد مدد غمض عنية ونسى الركاب جاب التاريخ يقرا
اللي
فيه واللي أنكتب مدد مدد وشاف منام الجد وقام وعمل مقام هنا في البلد مدد مدد سواح
تزور
جايبة الدور وعود بخور يندب في عين اللي حسد مدد مدد ( ترديد) مدد مدد حي
عصر
السرعة يا مولانا وبعد الذكر والمديح هاندق الزار للي أنعذر يمكن يكون كتكــــــوت
فصيح
ويخدنا نعيش بقى على القمر . ويخدنا نعيش بقى على القمر .
( لازال فكرى يدور بحاملة يرسم تابلوهات من المولد . تتحول الموسيقى آلي
غربي)
( زار) ( جلابية بارتى) ( يزيد إيقاع فكرى في الرسم . يصرخ . يمزق اللوحة.
تقف
الموسيقى تخفت الإضاءة أغنية لأم كلثوم ويظهر خلف اللوحة الممزقة . لوحة
تراثية
شعبي تحتضن اللوحة )
أنتي اللي بادور عليها
لأني عايش علشانك لأنك أنا أنتي الأصل والمصير يمكن في يوم ضاع
منى
الطريق . بهرتني الألوان جريت ورا السهل السهل السريع ولقيت قانون العصر : اللي
عايز ينشهر ييجى في
الهايفة ويتصدر . ولعبت فن في الهايفة لحد ما بقيت هايف . تافه .
لآ
قيمة ولا مبدأ وبقى كلة في الأونطة ولا أخلاق . كلة زيف وأتفرج يا سلام .
عـــواد :
حقيقي عبقري عظيم
فكـرى : (
يضحك بشكل هستيري) فنان عظيم محتال كبير نصاب عبقري وكل ما كانت اللوحة
غامضة وغريبة كل ما كان سعرها أعلى كل ما زادت الشخبطة بالألـوان كــــــل
ما زاد
المعجبين بيها وكلة ع الموضة خطوط قاسية مفحورة فوق السطح الأبيض بدون
إحساس
بدون روح ومهما كانت الألوان سخنه والإيقاع سريع لا يمكن يمر من حاجز الثلج
اللي
على
نفوسنا وشعورنا وكلة في الثلاجة: جمود . برد . موت . لآ لآ مش هامشي في الزفــة
مش
هاتوة في المولد ولا أنام جنب المقام لا هامسك في أيدك يا أمة ع الطريق محتاج حنان
ولو
لعبت مع الولاد في الطين بعيد عن المصطبة هارجع لحجرك في العصارى تغسليني
من
الوسخ واللحوسة وتحفظيني الدرس اللي أتنسى لو محتاج لصدر أمك وحضنها
خضرة :
أرجـــــــــــــع لـــــــــــــها
حســن :
حتى لو كانت خرابه
خضرة :
أرجـــــــــــــع لـــــــــــــها
عـــواد :
الأمـــــــل فيها أتـقـــــــــتل
خضرة :
أرجـــــــــــــع لـــــــــــــها
فكــرى :
وأنتي يا خضرة
خضرة :
عايشة معاكم في قلبها
صوت ـقـلـــــــــــــــــب))
الجميع :
شفلك خرابه غير هنا
فكــرى :
لو سمحت ( لعامل الإضاءة) من دلوقتى بؤرة ضوء عندنا على أحلى لوحة
هاتتـرســـــــــم
( يـــــــــزرع
زهــــــــــــــــرة )
حســن :
هزرع جنبك أشعار ( يزرع
زهــرة )
عـــواد :
يرجع صباكى في ألحاني ( يزرع زهرة )
خضرة :
وأبقى أنا رمز الفضيلة في أدواري ( تزرع زهرة )
( صـــــــــــــــوت الحمـــــــــــــــــار )
الجميع :
أنـــــــــــــت معـــــــــــــــــــــــانا
( صـــــــوت الحمــــــار) ( يلبســونـــــة برنيطة)
الجميع :
تبقـــــــــى خــواجــــــــة
( صــــــــــــــــــوت الحمــــــــــــــــــــــار)
الجميع :
( يضحكون ) كلة يحب ويزرع وردة
( تجتمع الأيدي في بؤرة ضوء ممسكين بوردة كبيرة يخرج منها الآراجوز )
عــلــــــــــــــــــــــى الــلـــــــــــــــــــــــــــــــــــة
(
تــمــــــــــــــــــــــــــــــت )